നമുക്കിടയില്‍ മരവിച്ച പ്രണയം
മറ്റൊരു വിഷാദഗീതം കുറിക്കവേ
പൊഴിഞ്ഞു വീഴുന്നൊരു
ഈറന്‍ വയലറ്റ് പൂവായി ഞാനും!
ഇനിയീ പൂ കൊരുത്തൊരു റീത്തൊരുക്കുക,
മൃതിയടഞ്ഞ നമ്മുടെ പ്രണയത്തിന്‍ കുഴിമാടത്തില്‍ വെക്കുക,
തീ പിടിച്ച സ്വപ്നങ്ങളും,
മണ്ണ് മൂടിയ വിലാപങ്ങളും
ആയിരം വയലറ്റ് പൂക്കളായ് പുനര്‍ജനിക്കും!
അകാലത്തില്‍ അണഞ്ഞുപോയെങ്കിലും
ഉള്ളിലൊരു പ്രണയത്തിരി എരിഞ്ഞു കൊണ്ടേയിരിക്കും!
ഞാനും, നീയും ആവര്‍ത്തിക്കപെടുന്നു...
നമ്മിലെ പ്രണയവും...
നന്ദിതാ, നാം പ്രണയമാകുന്നു.
പൊഴിഞ്ഞു വീണാലും വറ്റാത്ത ഒരിറ്റു തേന്‍-
-നമ്മിലെ പ്രണയം-
കാലാതിവര്‍ത്തിയായി നില്‍ക്കവേ
നാം മരണമില്ലാത്തവരാകുന്നു.
ഞാനും, നീയും, നമ്മിലെ പ്രണയവും ആവര്‍ത്തിക്കപ്പെടുന്നു
നന്ദിതാ, നാം പ്രണയമാകുന്നു.
തീ പിടിച്ച സ്വപ്നങ്ങളും,
ReplyDeleteമണ്ണ് മൂടിയ വിലാപങ്ങളും
ആയിരം വയലറ്റ് പൂക്കളായ് പുനര്‍ജനിക്കും!good
പ്രണയത്തിന്‍ തനിയാവര്‍ത്തനം
ReplyDeleteപൊഴിഞ്ഞുവീണാലും വറ്റാത്ത സ്നേഹം
ReplyDeleteആശംസകള്‍